📰 ज्ञानदेवो म्हणे पाक्षिक

ज्ञानदेवो म्हणे पाक्षिक (प्रथम प्रकाशन : श्रीरामनवमी २०१८)

अध्यात्म संस्कार-समाजप्रबोधन या विषयाला समर्पित. दर १५ दिवसांनी प्रकाशित होणाऱ्या पाक्षिकाचे ब्रीद आहे,

‘साचचि बोलाचे नव्हे हें शास्त्र। पै संसारु जिणते हें शस्त्र। आत्मा अवतरविते मंत्र।अक्षरे इये ।

-श्रीज्ञानेश्वरी

दिवसेंदिवस बदलत जाणारी परिस्थिती व त्यानुसार बदलत जाणारी आव्हानात्मक जीवन पद्धती यांमुळे बहुसंख्य लोकांना प्रचंड ताण जाणवतोय. परिणामी या स्पर्धात्मक युगात जीवन अधिक असंतुलित होत झाल्याचं दिसतंय. यातून उदयाला येणारी नवनवीन जीवन पद्धत व स्वतःला सिद्ध करण्याच्या धडपडीतून निर्माण होणारा पुन्हा नवीन ताण हे दुष्टचक्र थांबतच नाही. दिवसेंदिवस वाढत्या समस्या, किंकर्तव्यमूढ झालेला समाज आणि विस्कळीत समाजव्यवस्था यांवर संपूर्णपणे उत्तर शोधण्यात आलेलं अपयश, यातून सुटण्याचा काही मार्ग नाही का असा प्रश्न अनेक जणांना पडलाय. उचित परिवर्तन घडवून आणायचं असेल तर आपल्याला संतांच्या विचारांची कास धरावी लागेल.
‘बोले तैसा चाले त्याची वंदावी पाऊले‘ असे संतांचे जीवनचरित्र व त्यांची अभंगादि रचना हे जीवन उद्धरून नेण्याचे स्रोत आहेत हे आता जगानेही मान्य केले आहे. श्रीज्ञानेश्वरीतील स्वधर्मविचार, श्रीमद् आद्य शंकराचार्यांचा विवेकचूडामणि ग्रंथ, श्रीरामायण, श्रीमहाभारात इ. ग्रंथांतून ज्ञाताकडून अज्ञाताकडे, स्थूलाकडून सूक्ष्माकडे नेणाऱ्या वैशिष्ट्यपूर्ण विषयांवर लेखांतून मांडलेले चिंतन व मार्गदर्शनपर सेवाव्रत असलेले पाक्षिक म्हणजे ‘ज्ञानदेवो म्हणे’!
अध्यात्म – संस्कार – समाजप्रबोधन या विषयांना समर्पित अशा दर १५ दिवसांनी प्रकाशित होणाऱ्या पाक्षिकाचे ब्रीद आहे, ‘ ‘साचचि बोलाचे नव्हे हें शास्त्र। पै संसारु जिणते हें शस्त्र। आत्मा अवतरविते मंत्र।अक्षरे इये ।।‘

सदर पाक्षिक टपालाने घरपोच पाठविले जाते. (पाक्षिकाची वार्षिक वर्गणी रु.१५०/- अधिक टपाल खर्च रु.१००/-) पाक्षिकाची सभासद वर्गणी खालील लिंकद्वारे online भरता येईल.
ज्यांना अंक घरपोच हवा असेल त्यांनी कृपया आपले संपूर्ण नाव व पत्ता खालील Whatsapp नंबर वर कळवावा ही विनंती